Deiseanna
Bí páirteach le ceolfhoireann shuaitheanta na hÉireann i dtaca leis na huirlisí ceoil tréimhse!
Ceoltóirí
Cuirimid fáilte roimh iarratais chun a bheith ag obair leis an gceolfhoireann ar bhonn atrátha ó cheoltóirí:
- a thaibhíonn go dtí caighdeán gairmiúil ar uirlis cheolfhoirne tréimhse (mar shampla: veidhlín, vióla, dordveidhil, olldord, viola da gamba, víolón, cruitchlár, orgán aireagail, traverso, óbó, basún, clairinéad, sealamó, trumpa nádúrtha, corn barócach/clasaiceach, sackbut).
Tabhair do d’aire, le do thoil, nach mór d’iarratasóirí suiteáil is cuí don tréimhse agus nach mór dóibh deimhin a dhéanamh de:
- gur saoránaigh iad de thír AE (Aontas Eorpach) nó den Ríocht Aontaithe, nó go sealbhaíonn siad cead cuí chun a bheith ag obair san AE.
- gur féidir leo a thaispeáint go sealbhaíonn siad cuntas teiste ar an bhfeabhas ó thaobh an taibhithe tréimhse de, mar aon le méid maith de thaithí cheolfhoirne.
Moltar do cheoltóirí óga idir 18 agus 24 de bhlianta d’aois, cíoradh a dhéanamh ar na deiseanna ar fáil trí Cheolfhoireann Bharócach Óige na hÉireann agus trí Chlár na bPrintíseach.
Ba chóir do sheinnteoirí gairmiúla d’uirlis cheoil tréimhse CV agus nasc go dtí sampla fuaime/físe dá gcuid oibre a chur isteach.
Tabhair do d’aire, le do thoil, go ndéanfar athbhreithniú ó am go chéile ar na haighneachtaí a gheofar agus nach féidir linn, mar gheall ar líon mór an chomhfhreagrais a fhaightear, geallúint a thabhairt go gcuirfear amach freagra ar gach iarratas ar leith.
Cúntóirí Léirithe
Cuirimid fáilte roimh iarratais chun a bheith ag obair leis an gceolfhoireann ar bhonn atrátha ó dhaoine ar suim leo glacadh le hobair neamhspleách léirithe.
Mar chuid den bhuíon léirithe, is é an cúram a bheadh ort ná cabhrú le reáchtáil réidh lóistíocht an lae taibhithe, agus thú ag obair go dlúth le Bainisteoir Ginearálta Cheolfhoireann Bharócach na hÉireann. Is ionann na Cúntóirí Léirithe agus cuid den bhuíon ar chúl stáitse agus den bhuíon fáilteachais, agus iad ag obair go héifeachtúil ar raon cúraimí.
BUÍON AR CHÚL STÁITSE
Airítear leis na freagrachtaí:
• Uirlisí móra a bhogadh ar iompar agus as iompar agus isteach i láithreacha cleachtaidh/taibhithe.
• Comharthaíocht a chur suas d’áiseanna ar chúl stáitse agus d’áiseanna fáilteachais de réir mar is gá.
• Cabhrú ó thaobh spás na ceolfhoirne a ullmhú roimh thaibhiú/chleachtadh
• Sóláistí a eagrú do na ceoltóirí.
• Oibriú go mear chun an spás taibhithe a phacáil suas tar éis dheireadh an taibhithe.
• Cabhrú le buíonta léirithe breise, mar shampla: buíonta craolacháin RTÉ Lyric FM i dtaca le trealamh a luchtú/díluchtú de réir mar is gá.
BUÍON FÁILTEACHAIS
Airítear leis na freagrachtaí:
• Sealbhóirí ticéid a threorú go dtí an áit cheart i leith a mbanda ticéid.
• Marsantacht a dhíol roimh idirlinn na ceolchoirme, tar éis idirlinn na ceolchoirme agus i rith idirlinn na ceolchoirme.
• Ceisteanna coitianta a fhreagairt maidir le, cuir i gcás, suíomh na n-áiseanna leithris, fad ama na hidirlinne.
• An clog a bhualadh chun 5 nóiméad go dtí deireadh na hidirlinne a chur in iúl.
• Stainníní earraí le stoc (Dlúthcheirníní, málaí gualainne agus cláir) a shocrú
• Gearáin a chur ar aghaidh go dtí oifigeach ainmnithe Cheolfhoireann Bharócach na hÉireann.
Seoladh ríomhphoist i dtaca le hiarratais:
doireann@irishbaroqueorchestra.com
Ábhar iarratais:
Litir chumhdaigh & CV ina ndéantar cur síos ar aon taithí bhainteach (cé nach mbíonn taithí bunriachtanach)